Fréttir

Kaupfélag Suðurnesja er eitt af aðildarfélögum SÍS, en það var stofnað 1945. Ástæða er til að vekja athygli á heimasíðu félagsins en þar er, auk upplýsinga um núverandi starfsemi KSK, mikið af aðgengilegum upplýsingum um hugmyndafræði samvinnunar og kosti þess að vera félagi í samvinnufélagi.

Samtök smærri bænda í Bandaríkjunum leggja talsverða áherslu á það í sínu starfi að tala fyrir möguleikum samvinnustarfs. Næsta vefráðstefna þeirra verður í lok þessa mánaðar þ.e. 31. janúar og fjallar um samkeppnisforskot samvinnufélaga.

Líklega kannast flestir við borðspillið Matador eða Monopoly á ensku þar sem tilgangurinn er að verða ríkari en allir mótspilarar og helst gera þá gjaldþrota. En það er fleira í boði.

Samtök evópskra landbúnaðarsamvinnufélaga (Cogeca) voru stofnuð 1959 og samanstanda nú af landssamtökum slíkra félaga frá 26 af 27 aðildarríkjum ESB. Innan þeirra eru 22.000 samvinnufélög sem veita yfir 650.000 manns vinnu og velta ríflega 300 milljörðum evra á ári.

Samvinnuhreyfingin stendur traustum fótum í Bandaríkjunum og ekki síst í Wisconsin. Við fylkisháskólann sem starfræktur er í höfuðborginni Madison er meðal annars sérstök rannsóknamiðstöð í samvinnufræðum.

Fyrir áhugasama er hér hægt að sjá upptöku frá ráðstefnunni "Samvinnustarf í nútíð og framtíð" sem haldin var á Bifröst 29. október sl. Þar var Jóns Sigurðssonar einnig minnst. Öll dagskráin var tekin upp. Dagskrá og myndir frá ráðstefnunni má sjá í öðrum fréttum hér á síðunni - En hér er tengill á upptökuna.